百大品牌 中國又缺席

【明報專訊】Interbrand發布2012年度「全球百佳品牌」，可樂連續第13年笑傲群雄，美國品牌佔據百佳品牌最多席位。與此形成對比嘅，係中國品牌再一次全體缺席。


今年嘅前三位被可樂、蘋果同IBM奪得。蘋果嘅成績的確可圈可點，無論喺發達市場抑或新興市場，舊年蘋果都獲得大豐收，品牌價值激增129%，由第8躍居第2，facebook 5月IPO嗰陣就已經成為頭版頭條，仲即刻入埋全球百佳榜排第69，都算攞足彩頭。


韓三星位列第9 亞洲最佳

排名最高嘅亞洲企業係韓國嘅三星，以329億美元品牌價值位列第9，睇嚟2012年真係「科技改變命運」嘅時代。


由於金融市道差，幾間金融巨頭嘅排名都受到影響。高盛由第38跌倒第48，巴克萊更因Libor醜聞，由第79跌出榜外。


金融巨頭排名跌

「全球百佳品牌」依然係美國品牌嘅天下，科技品牌繼續跑贏其他行業。與此形成鮮明對比嘅，係榜上依然一個中國品牌都無。其實，中國品牌都幾得《福布斯》全球500強企業評委嘅歡心，2011年前50強有6間中國企業，主要係石油公司同埋國有銀行。中國企業入選500強，可以證明係「不斷做大」嘅方面都做出一啲成績啦。不過幾時至可以將自己「不斷做強」，成為對消費者真正有影響力嘅公司，睇嚟仲需要時間。


email:piano@mingpao.com