王安憶《天香》奪紅樓夢獎

【明報專訊】浸會大學公布最新一屆「紅樓夢獎」得主，上海女作家王安憶 （圖）嘅作品《天香》獲選首獎，得到30萬元獎金。


兩年一度嘅紅樓夢獎係表揚全球傑出華文長篇小說創作，今年得主王安憶就曾經憑《長恨歌》奪得上海文學藝術獎、茅盾文學獎，以及《星洲日報》花蹤世界華文文學獎。王安憶話今次得獎喜出望外，但絕對唔會因為得到紅樓夢獎，就以為自己嘅作品接近《紅樓夢》，「紅樓夢是一本天書，中國的小說因有了它而有了永不可實現的神聖，寫作者們也因此有了小說的理想」。


評審：係江南文化百科全書

紅樓夢獎決審委員會主席鍾玲教授介紹，《天香》寫出咗上海申姓士大夫大家族四代人嘅故事，小說氣勢恢宏，幾十名家族人物嘅塑造各有特色，係「江南文化百科全書」。聽完鍾教授介紹，Emily都好有衝動買本睇！