康宏向獨居長者送月餅

【明報專訊】中秋不嬲都係一家人團聚嘅時節，除咗食月餅，其實仲可以去送月餅㗎！康宏（1019）就喺中秋前一日，發動佢哋嘅員工帶埋屋企人，去咗一個屋邨送月餅畀啲獨居長者，享天倫之樂之餘，仲可以做啲有意義嘅事。


低糖月餅 為老人着想

佢哋仲好有心機咁準備咗低糖月餅，咁老人家食嗰陣就唔使就住就住啦！咦，啲員工送月餅嘅時候，其實都可以同啲長者傾下買保險嘅重要性喎。


今次呢個活動，就梗係唔少得佢哋嘅鬼馬主席王利民（Quincy）啦。佢不嬲都好鬼active，玩開沙漠馬拉松，而今次佢肯乖乖哋做義工送月餅，真係唔話得。唔知Quincy自己係咪都要食低糖月餅呢？話說之前佢有條血管塞咗，雖然已經通返，不過中秋出名係食肥膩嘢嘅季節，真係要忍下口喇。