瑞銀11月搞普普藝術展

【明報專訊】瑞銀（UBS）嘅報告相信好多人都睇過，但UBS嘅藝術館藏又有冇欣賞過？原來瑞銀同香港藝術中心搞咗個普普藝術（Pop Art）展覽，大家喺11月17日起就可以到藝術中心免費睇到多件現代普普畫作展品。


Pop Art反映商品化世界矛盾

所謂嘅「普普」藝術，其實係發源自1950年代末美國消費文化，目的係反映日益商品化世界中嘅自相矛盾。講到好難明咁，查實提起最經典個兩幅畫，大家都一定認得，一幅係將好多金寶鑵頭非常整齊排列一齊嘅板畫，另外一幅係油上不同色調的瑪麗蓮夢露頭像版畫。


小琴以前時不時會聽到有人話香港個個淨喺錢字掛帥，無咩文化活動，係一個文化沙漠，大家如果有興趣都可以去捧吓場，提升吓自己嘅藝術氣質。