耀才買股都可分期供款

【明報專訊】大家覺唔覺得自己生活響一個「分期」嘅年代？好似買樓要分期供、卡數要分期還、買嘢亦可以分期找數，但勢估唔到家連買股票都可以搞分期。


指定股票可按倉 不斬倉

耀才證券（1428）就整咗個「股票分期供款計劃」，一年供款買佢哋指定嘅股票，客戶先畀三成首期，淨低果七成就由耀才做按揭借貸，利率P-1.75厘，即係3.5厘息口，仲保證就算買嘅股票跌緊都唔會強制平倉，兼唔使畀存倉費同年費。


不過咁，雖然耀才將買股票搞到好似買樓咁又分期又按揭，但股票買賣嘅手續費都會按正常程序咁收取，所以計落想有回報嘅話，咁大家買嘅股票就要有3.5%以上回報先至有錢賺。而睇番計劃所指定嘅60隻股票，大多數都係藍籌或者重磅股，最抵死係仲可以揀番耀才證券，唔知如果啲客戶揀耀才嘅話，又可唔可以豁免手續費或再平啲息呢？