愛將暗申政助葉劉好傷心

【明報專訊】新民黨施俊輝早前申請應徵教育局政治助理，原來新民黨主席葉劉淑儀被蒙在鼓裏，葉太噚日就感慨，對施俊輝「背住」佢應徵政助感到好失望同埋傷心，話日後都要同有意從政嘅新民黨黨員「約法三章」。施俊輝就話好感激葉太栽培，強調一定會飲水思源，「無葉太就無施俊輝」咁話。


葉太其實都理解年輕人工作兩三年後就會轉工，但施俊輝係佢栽培參選嘅從政人士，形容過去為對方出書、出選、拉票、拜票，對方應早啲坦承有意離開。


以後新黨員或「約法三章」

葉太直言對施俊輝感失望、傷心，因對方「背住我報政助，到9月尾先講我知，從來無向我表白想入政府」。葉太又話，日後或要與加入新民黨、有意從政嘅黨員約法三章，以免事件重演。