長命澳洲葡萄園 等於70%港島

【明報專訊】「超人」李嘉誠旗下嗰間長江生命科技（0775）近年響澳洲特別多搞作，繼年初用2.5億收購澳洲肥料同滅蟲產品業務之後，噚日公司又宣布以7500萬收購咗澳洲西部Magaret River地區嘅三個葡萄園，加埋有成185公頃種植面積。


計埋去年佢哋響澳洲所收購嘅葡萄園業務，家長江生命已經擁有5700公頃葡萄園土地，相當於七成香港島咁大，仲成為澳紐地區第二大葡萄園主。


賣家售後租回10年

之不過咁，公司買咁多葡萄園土地，並唔係誠哥想搞紅酒生意，而係用嚟收租，好似新收購嗰三幅地咁，賣家已經同佢哋簽咗租約，未來10年會租返三幅地嚟用，所以長江生命買完地之後仲立即就搵到長期租客。