國父錯體郵票 估值500萬

【明報專訊】雙十節剛剛過去，聽日起舉行嘅「中國、香港及其他國家郵票」拍賣，有估價高達500萬港元嘅1941年孫中山錯體雙連郵票展出，單聽估價都知呢件珍品名貴。


一連兩日嘅拍賣會，聽日起喺怡東酒店舉行。今次有2000多件、總估值逾2500萬港元嘅珍稀郵品，全場焦點就係圖中呢個1941年孫中山貳圓直雙連中心圖像倒印錯體郵票。據記載，呢款郵票僅得兩件存世。拍賣展另有一枚1897年慈禧壽辰紀念初版郵票，估價100萬至120萬港元。


（李澤彤攝）