上半年兩成港人身家縮水

【明報專訊】無論係電話定係電腦，好多嘢都係愈細愈好。不過講到最驚縮水嘅嘢，應該就係荷包縮水喇。匯豐一個調查發現，因為個股巿唔好，今年上半年有兩成人身家縮咗水。家呢個巿况，投資又驚蝕錢，揸住現金又驚通脹，真係唔知點算好。


每人平均蝕錢11.6%

匯豐呢個調查喺7月訪問咗超過1600個人，發現上半年身家縮咗水嘅人有成19%咁多，上年都只係11%。不過比起上年，蝕錢的人就蝕少咗，上年每個人平均蝕15.3%，今年就每人蝕11.6%。無他嘅，大家見個巿咁差，就梗係投資啲穩陣嘢，例如債券同做定存啦！就算明知無得賺，都蝕少啲吖嘛。


匯豐籲投資要「睇實啲」

不過個巿差還差，都有人身家變多咗嘅，但係投資有賺嘅人數都少過上年，賺錢嘅幅度都少咗