毓民下周三再宣誓

【明報專訊】人民力量議員黃毓民喺周三立法會議員宣誓就任時，以咳聲代替效忠「共和國」等字眼。立法會主席曾鈺成噚日裁決，毓民明顯無按法律要求完成誓辭，決定唔會確認黃完成宣誓程序。為咗「釋取疑慮」，主席已經應對方要求，批准喺下星期三嘅大會再次宣誓。


曾鈺成話，按照2004年高等法院夏正民法官就梁國雄司法覆核嘅判決，立會議員必須按照法例列出嘅方式宣誓。佢早前睇法律文件，徵詢法律顧問意見同睇埋片，最終認為黃毓民「未能令人清楚相信佢已依法進行宣誓」，所以唔可以確認佢嘅程序，但就准許佢再宣讀過，仲話法例無限議員宣誓幾多次。曾主席話，如果毓民拒絕正正經經宣誓，分分鐘會取消議員資格。