嘗窮滋味 蔣麗芸畀5個正

【明報專訊】社會服務聯會前日公布，3個長者中有1個屬於貧窮，佢哋噚日跟住就請咗11個新任立法會議員食晏，當然唔會淨係食嘢咁簡單。噚日呢個「貧窮飯局」，其實係希望議員響應消除貧窮，由婦女中心協會一班義工，將喺菜檔收番嚟嘅蔬菜煮成4餸1湯，但就唔係「白飯任裝」，因為有議員只係食即食麵或者粥。


讚餸菜一流 叫人食即食麵

唔少新貴議員噚日都有去撐場，但係亦有人甩底，人民力量陳志全（慢必）助理同Emily講，因為要開第一次黨團會議，慢必結果去唔到。


至於有去嘅議員，個個都食得津津有味，其中民建聯蔣麗芸（Ann）仲連嗌5下「正」！

Emily即刻走去睇，佢係咁叫人食麵，大讚餸菜一流，仲話鍾意食茄子、油麥菜同萵筍，但就要係蒸茄子，仲要加麻油