港隊跳江南舞賀贏波

【明報專訊】韓國男歌星PSY的《江南Style》一曲紅爆全球，至昨日MV嘅點擊率突破4.6億，香港亦都出現唔少改編版，無論男男女女，好多人都能夠琅琅上口唱兩句，包括近日喺墨世哥參加無家者世界盃香港隊成員，佢哋日前擊敗意大利隊後，喺球場外大跳近日最hit嘅《江南Style》，慶祝一番。


13戰6勝歷來最佳

今屆無家者世界盃喺墨西哥舉行，香港派咗8名球員出賽，和富大埔足球隊副領隊彭錦華就做領隊，喺13場中贏咗6場，係歷年贏波場數最多嘅一次，喺43隊中排名31。參賽隊員心情當然興奮，有相為證㗎！佢哋日前對意大利時力挫對手，全體球員喺球場外大跳近日最hit嘅「江南舞」﹗


最後一場對柬埔寨，香港贏7﹕4埋齋，彭錦華即時喺facebook更新近况，話聽日返港後，要食燒味同飲益力多慶祝。