何喜華等5人獲頒嶺大榮譽院士

【明報專訊】嶺南大學向5個名人頒授榮譽院士，噚日有4個出席，包括社區組織協會主任何喜華（左一）、廠商會前會長黃友嘉（左二）、新加坡華僑銀行行政總裁錢乃驥（右二），同南洋集團副常務董事榮智權（右一），由校董會主席陳智思（中）主持儀式，另一院士係美國華美銀行董事長吳建民。


黃友嘉代表致謝辭，佢話學生一直都驚知識唔夠搵食，佢就勸勉話，專業知識未必最重要，最緊要係有不斷汲取新知識同適應新環境嘅能力，即係嶺大博雅教育嘅目標。


（嶺大提供）