Q仔：DBC收清盤信

【明報專訊】正在義播「復台」嘅香港數碼廣播（DBC）噚日傳出收到清盤信，唔少fans都好緊張，DBC創辦人鄭經翰就話唔知，佢家陣畀人出律師信封口，公司嘅嘢乜都唔講得，但係義播嘅就可以，佢噚日仲幫手報埋五點鐘新聞。


DBC義務主持Q仔（黎則奮）噚日話﹕「下星期一，唔會再聽到DBC。」佢話因為大班噚日中午收到逼令DBC清盤嘅律師信，問「大家願意坐視你哋嘅電台滅亡嗎？」此話一出，唔少支持者即刻在fb轉發信息，仲力撐嚟緊星期五嘅「最後一戰」集會。


據了解，鄭經翰同另一陣營嘅股東黃楚標嚟緊月底再開會，喺資不抵債情况下，一般公司結業，都要先去法庭攞個指示，再由第三者做資產審查。