邱誠武申報 有層樓收租

【明報專訊】政府上個月委任5個副局長同政治助理，但係Emily等到頸都長，都仲未睇到晒所有人嘅利益申報，噚日終於等到政府上載最後一個。運輸及房屋局上載咗副局長邱誠武利益申報，佢只得一個喺東區嘅出租單位，聽晒局長張炳良話，無恐慌性買樓。


邱誠武曾任《經濟日報》執行總編輯，佢同前行家、現職投資傳訊總監嘅老婆共同擁有嗰個單位。另外邱誠武仲有6個因為公職身分而獲委任嘅候補成員、替任董事同董事職銜，包括機管局、港鐵同東西隧、大老山隧道同三號幹線郊野公園段。


政壇傳聞教育局長吳克儉搵到食物及衛生局首席助理秘書長楊潤雄做副局長，Emily希望佢到時盡快公開利益申報啦。