包致金笑笑口榮休

【明報專訊】今個月就正式退休嘅包致金，噚日最後一次以終審法院常任法官身分審理上訴，處理民間電台嘅案件。代表上訴人李卓人、李永達同劉慧卿嘅資深大律師李柱銘，喺審訊完結之後，代表其他同僚祝包致金榮休快樂。包致金笑一笑但無開口回應，首席法官馬道立笑住望一望佢，仲代佢多謝在座各人。


本身亦係終審法院非常任法官嘅上訴庭副庭長鄧國楨，下月1日就會同包致金調位，鄧出任常任法官，包改任非常任法官。講番包致金噚日嘅表現，Emily覺得佢比平日靜咗啲，只係間中問大律師問題，態度同平日一樣咁認真。Emily祝包官退休後繼續開開心心、身體健康。