劉江華前助理奪筍工

【明報專訊】本身係企業老闆嘅立法會議員鍾國斌（Felix），早前喺勞工網站以月薪3萬元至3.5萬元請議員助理，成為立法會會議廳一時佳話。過咗半個月，大家有冇興趣知道係邊個搶到份筍工？之唔係早前喺立會選舉落選嘅劉江華嘅助理KK囉！


轉做鍾國斌助理

Felix話，喺登咗廣告後，收到六七份求職信，但就澄清份工係無bonus、無雙糧嘅。不過，咁高人工，又有乜所謂？雖然廣告話係5天工作，Felix就話，做佢議員助理，做足6日半都唔出奇，唔係筍工，但就即刻畀人問佢，擔唔擔心違反勞工法例。查實，做Felix助理，恐怕唔會忙得過做劉華助理啩，唔知KK鍾意邊個老細多啲呢？