JP遴選委員會大換班

【明報專訊】正所謂「一朝天子一朝臣」，政府噚日委任下年度非官守太平紳士（JP）遴選委員會委員，Emily睇完名單，發現非官守成員只係得史美倫留任。點解？原來以往慣例，政府會委任行會成員入遴選委員會，CY上台換咗行會成員，人選當然「耳目一新」。


遴選委員會由政務司長林鄭月娥做主席，副行政署長鄧婉雯係秘書，委員有民政事務局長曾德成、特首辦主任邱騰華、行政署長蔡潔如，以及行會非官守成員林煥光、史美倫、李國章、羅范椒芬同張震遠。由於得番史美倫留任行會成員，所以委員都大執位。前特首曾蔭權委任嘅夏佳理、李業廣、張炳良同劉遵義就無得留低。