鴨寮街變電子零件街

【明報專訊】香港人有時都幾「創意無限」，就連寄信寫地址，都要郵差叔叔猜謎，例如將鴨寮街寫成電子零件街，原來香港郵政每日平均有5000份本地郵件因為地址不詳或不確而延誤送達，甚至無法派遞。


創作地址分幾種，第一種係原創地址，好似將「鴨寮街」寫為「電子零件街」、新蒲崗「雙喜街」合併成為「囍街」。


第二種係自創英文直譯地址，例如將西灣河Sai Wan Ho譯成West Bay River，新蒲崗四美街Sze Mei Street譯成Four Beauty Street。


第三種係英文名「縮水」版，如以HV代表Happy Valley（跑馬地）、TKL代表Ta Kwu Ling（打鼓嶺）、TSH代表Tai Shui Hang（大水坑）等，真係難為了郵差。


好在有一班細心又熟習地名嘅郵差叔叔，花盡腦筋幫大家搵番正確地址，市民謎一樣嘅信先可以寄到收件人手中，真係要多謝晒佢哋！不過，Emily奉勸大家將呢啲創造力用喺其他地方，唔好要日曬雨淋嘅郵差叔叔左估右估呀。