新聞類別
財經
詳情#
【明報專訊】喺美國NBA打籃球打得叻，有機會做MVP （Most Valuable Player），其實夠靚女嘅話，亦都可能做MVP喎。話說唔少金融界人士，都將履歷、聯絡方法等等嘅個人資料放喺彭博，等其他人可以喺「彭博機」度搵到自己。最得意係有個叫「Most Viewed People」嘅功能，其實係一個人氣龍虎榜。
近日小琴心血來潮，想睇下呢排邊個做MVP，咁啱撞正花旗高層震盪，斷估最多人關心嘅都應該係新任CEO Michael Corbat喇。誰不知喺1個月的龍虎榜入面排第1嘅，竟然係叫「王菲（譯音）」（Wang Fei）嘅人。
身分多版本 傳來自獅城
唔睇尤自可，一睇小琴睇到對眼都大埋。呢位「王菲」擺咗張相，個「甫士」十足十時下嘅美少女自拍照咁，側側地個頭，由上而下咁影。雖然張相解像度唔高，但一眼就睇得出係個可愛靚女嚟。聽講佢喺法巴做固定投資嘅副總裁，主要負責銷售，有人話佢入職1個月鬆啲。
見到咁嘅情况，梗係即刻問吓法巴嘅朋友仔，未問完佢已經知係講佢位靚女同事。朋友仔話，條街有唔少人問過佢，可惜朋友唔係同「王菲」同一層，就算知佢喺彭博機度人氣爆燈，都無緣見面。有芬佬都話，呢位法巴美女喺中環已經紅咗一排，聽講佢來自新加坡，總之有好多個版本，簡直好似都市傳說咁。
排名勁過花旗新CEO
唔知係張相吸引，定係真係成行成市都知道佢嘅存在，總之佢個檔案喺1個月內，有成8400次點擊，高過第2位嘅花旗新CEO Michael Corbat差唔多成千個。單計噚日都有200幾次，當之無愧榮登彭博人氣王寶座，可惜小琴噚日點都搵唔到佢，無緣結識下呢位靚女。
email:piano@mingpao.com
近日小琴心血來潮，想睇下呢排邊個做MVP，咁啱撞正花旗高層震盪，斷估最多人關心嘅都應該係新任CEO Michael Corbat喇。誰不知喺1個月的龍虎榜入面排第1嘅，竟然係叫「王菲（譯音）」（Wang Fei）嘅人。
身分多版本 傳來自獅城
唔睇尤自可，一睇小琴睇到對眼都大埋。呢位「王菲」擺咗張相，個「甫士」十足十時下嘅美少女自拍照咁，側側地個頭，由上而下咁影。雖然張相解像度唔高，但一眼就睇得出係個可愛靚女嚟。聽講佢喺法巴做固定投資嘅副總裁，主要負責銷售，有人話佢入職1個月鬆啲。
見到咁嘅情况，梗係即刻問吓法巴嘅朋友仔，未問完佢已經知係講佢位靚女同事。朋友仔話，條街有唔少人問過佢，可惜朋友唔係同「王菲」同一層，就算知佢喺彭博機度人氣爆燈，都無緣見面。有芬佬都話，呢位法巴美女喺中環已經紅咗一排，聽講佢來自新加坡，總之有好多個版本，簡直好似都市傳說咁。
排名勁過花旗新CEO
唔知係張相吸引，定係真係成行成市都知道佢嘅存在，總之佢個檔案喺1個月內，有成8400次點擊，高過第2位嘅花旗新CEO Michael Corbat差唔多成千個。單計噚日都有200幾次，當之無愧榮登彭博人氣王寶座，可惜小琴噚日點都搵唔到佢，無緣結識下呢位靚女。
email:piano@mingpao.com
回應 (0)
