駐港部隊王曉軍任司令

【明報專訊】駐港解放軍周三搞咗一場「大龍鳳」，喺軍用地演練巷戰，出埋直升機空對地實彈射擊，轉過頭就公布任命新駐軍司令員，王曉軍中將（圖）為駐港部隊司令員，原司令員張仕波就返去首都擔任北京軍區司令員。


廣州軍區司令員徐粉林中將，噚日同駐港部隊政治委員岳世鑫少將，連埋張仕波同王曉軍，一齊去拜會特首梁振英。新任駐軍司令員王曉軍係河北館陶人，長期喺基層部隊工作，來港前係瀋陽軍區副司令員。