財爺西九飲靚酒

【明報專訊】啱啱結束北京之行返香港嘅財政司長曾俊華，噚日落機後冇得唞，辦咗一日公，馬不停蹄去香港美酒佳餚巡禮做主禮嘉賓。不過，佢都算寓工作於娛樂，做正經事時，亦趁機品嘗來自世界各地嘅美食同免費靚酒。


市民嘗酒需買品酒券

一連4日嘅美酒佳餚巡禮，噚日喺西九龍海濱長廊揭幕，市民可以免費進場，但要品嘗美酒，就要先買品酒券。今年除咗有各地靚酒之外，平時「閒人免進」嘅馬會亦首次參展，提供唔少平日只可喺馬會享用嘅菜式，當中更包括啱啱奪得「2012美食之最大賞—龍蝦組」至高榮譽金獎嘅得獎菜式「四喜煙燻龍騰薈」，大家去玩時，記住唔好錯過。