沈祖堯牛一師生「吶喊」

【明報專訊】中大校長沈祖堯又有搞鬼之作，校長一向親民兼玩得，前幾日佢53歲牛一，一班同學仔同佢開生日派對慶祝。由於日子咁接近萬聖節，佢哋當然扮鬼扮馬玩一餐。校長早前有一張歐遊時模仿孟克名作《吶喊》畫中嘅人物表情相，喺facebook熱爆流傳，今次班學生陪校長癲，師生齊「吶喊」！


有同學仔喺fb留言，大讚「好可愛的校長」、「好羨慕~我都好想同校長一齊SCREAM」。不過，Emily都好奇怪，因為今次呢張生日會相片，又喺中大社會科學院副教授沈旭暉嘅fb發放，唔通沈教授撈過界，兼做校長公關大員？