「官門女將」再添一員？

【明報專訊】由上任特首曾蔭權、前政務司長唐英年，到現任特首梁振英、發展局長陳茂波，先後將自身醜聞嘅責任解釋到同太太有關，唔少網民笑言，家做政府官最重要有個好老婆。


網民﹕做官要有好老婆

最近行會成員林奮強嘅賣樓風波，林奮強又爆出買賣交易都係太太蘇載玓負責，有網民重提舊事，將過去4個有份為官員「擋」醜聞嘅官太，改圖變成「官門女將」，嘲諷佢哋係政府大將，有咩事都要出嚟擋咁話。下一張海報，則可能要加埋林奮強太太先齊人。