中學校長叫吳克儉學孫公

【明報專訊】國教科爭議啱啱告一段落，教育局長吳克儉又要解決中學殺校、縮班危機。話說教局拋出嘅下調「殺校線」方案，得唔到教育界認同，認為一定要減每班人數，先至可以解決問題。儉儉噚日出席立法會教育事務委員會特別會議，就畀10幾個校長大派檸檬，有校長直頭當佢面話懷念上屆局長孫明揚，叫儉儉學孫公同教育界要有商有量，搞到局長好無face﹗


噚日出席會議嘅校長，唔少人重提兩年前孫公推銷減班計劃嘅往事，當時孫公親自落區同校長坐低傾，游說時情理兼備，最終有200間中學首肯減班，穩定過渡到今時今日。相反，校長批評儉儉一直唔願意直接回應教育界方案，形容佢係「門半掩」到「就嚟閂」，一副無商量姿態，話儉儉唔識做。


話局長「門半掩」到「就嚟閂」

Emily覺得，梁班子入面，教育局都頗常中招，希望儉儉貫徹「門常開」精神，同教育界衷誠商討，快啲挽回「飛士」兼拆彈。