湯家驊年尾榮升老爺

【明報專訊】恭喜恭喜！立法會復會無耐就傳出喜訊，公民黨湯家驊（Ronny）年底娶新抱，榮升老爺。Ronny笑笑口話囝囝大婚當然高興，但都有啲唔捨得。


怕囝囝早婚 被窒「你仲早過我」

唔講唔知，原來Ronny囝囝今年26歲，喺呢個年頭都算係早婚。Ronny曾經問過囝囝，係咪考慮清楚，但點知被囝囝反窒：「老豆，你好似仲早過我喎！」搞到未到25歲就拉埋天窗嘅Ronny即刻冇聲出。今次婚宴將喺洲際酒店筵開50席，Ronny話近排單係發帖已搞到頭都大埋。


咪睇囝囝26歲，但原來已經讀完兩個法學碩士兼學緊師，好快就可以繼承老豆衣缽做大狀，雙喜臨門嘅Ronny應該笑到見牙唔見眼喇。