Google地圖粵語導航面世

【明報專訊】Andriod用家有福了！噚日Google正式喺香港推出粵語語音導航功能，以後駕駛者揸車時，就可以聽住親切嘅廣東話女聲駛向目的地。其實，語音導航較早前已經喺日本同內地推出，Google香港方面經過兩年準備後，終於喺噚日正式推出粵語版本，以最親切嘅語言，為大家指示方向。


持有Andriod系統平板或手機嘅朋友，可以用粵語講出目的地，再選擇駕駛模式，語音導航就會啟動，為大家找出前往目的地嘅路線，仲可以睇埋路面情况同街景照片，唔使再驚塞車同迷路啦！

用緊iPhone嘅朋友就暫時未能享用新功能，不過，Google方面話，希望有朝一日可以支援iPhone，不過暫無計劃推出Windows版。