陳婉嫻膺最高分議員

【明報專訊】工聯會榮譽會長陳婉嫻喺9月立法會選舉雖然做唔到票后，但係入咗立法會一個月，即刻成為民調評分最高嘅議員，以100分為滿分支持度計，佢有56.9分，都叫反映到佢嘅地位。不過，嫻姐仲有奮鬥目標，因為佢嘅得分，相比於參選落敗嘅公民黨余若薇仍差少少，余若薇7月時嘅評分有57.4分。


與余若薇相比仲差少少

港大民意研究計劃喺10月分兩階做議員排名調查，結果顯示，以熟悉程度計，剛重返立法會嘅陳婉嫻取代余若薇位居榜首，其餘名單同3個月前完全一樣。10名議員依次為陳婉嫻、曾鈺成（55.8）、葉劉淑儀（54.2） 、李卓人（53.9）、梁家傑（53.2）、劉慧卿（50.9）、何俊仁（49.6）、陳偉業（40.8）、黃毓民（39.1）、梁國雄（38.4）。


不過，港大研究計劃就話，躋身「十大議員」嘅先決條件係巿民嘅熟悉程度，然後再按支持度排名，所以「十大」以外嘅議員，支持度可以好高或好低，但由於並非巿民最熟悉，所以唔上榜咁話。