柳俊江雙面兔有寓意

【明報專訊】Emily早前行經中環一個商場，見到有籌款活動，邀請城中名人設計白兔塑像同埋拍賣，為教育機構夏橋籌款，其中一名設計者係前電視主播柳俊江。Emily見佢設計咗一隻雙面兔，寓意大家睇年輕人嘅時候，可以睇兩方面﹕表面看似懶散隨意，其實亦充滿潛能，希望大家幫佢哋發揮咁講。


似樹又似兔 睇人要睇兩面

至於呢隻雙面兔，睇落似一棵樹又似一隻兔仔，柳俊江話，咁係代表青年人其實可以有兩面睇。佢回想自己仲係中學生時，曾經係班中嘅壞分子，慶幸遇上好老師，並無因此責罵佢，仲識得欣賞好嘅一面，例如見佢口才幾好，就安排入辯論隊，又講好多課外知識，擴闊佢嘅眼界，結果造就家嘅發展。