自由黨行三頭馬車

【明報專訊】同民主黨一樣，自由黨亦將喺今個周末改選，現任自由黨發言人田北俊就透露，經過黨內檢討後，決定行三頭馬車嘅制度，即係佢負責立法會事務，周梁淑怡做地區，而因連任失敗而辭去黨主席嘅劉健儀就會跟進草擬法例嘅工作，又預計周太會喺冇競爭下順利當選黨主席。


本周改選料周梁做主席

田少話，佢喺2004至08年在任立法會議員期間，曾經兼任黨主席，當時卻未能分身做好地區工作，令佢同周太喺地區直選連任失敗。佢話既然一個人做唔晒所有嘢，不如將工作攤分三份，「好似我喺立法會講咗反對兩電加價後，周太就會喺地區接棒，諗吓搞唔搞遊行」。


佢又補充，周太參選主席一事已喺黨內廣泛諮詢過，預料喺本周六提名截止後，她會喺冇對手下勝出。