車牌CY689 唔係CY擁有

【明報專訊】梁振英（CY）今年憑689名選委支持贏得特首寶座，近日畀人叫佢做「689先生」，而其他名叫「CY」或者同「689」有關嘅人都無辜受累。近日就有人將一架掛上「CY 689」車牌嘅車輛照片擺上網，有人質疑車牌真偽，唔知係咪有人玩嘢。


Emily好奇去求證，按運輸署資料，「CY 689」確有其牌，但就唔係梁振英持有，亦應該同梁振英當選無關。掛呢個車牌嘅係日本車，登記年份係2008年。事實上，特首嘅座駕係掛洋紫荊標誌，或者用政府專用嘅AM字頭車牌。


傳統車牌拍賣 多吉利冧巴

講開車牌，運輸署喺呢個月30號（星期日）上、下晝有傳統車牌拍賣，地點係灣仔會展中心，當日推售嘅280個車牌，其中有一個都係CY牌頭嘅「CY 371」。傳統車牌通常以「8」（諧音﹕發）較受歡迎，今期都有好多好意頭號碼，好似「DZ 888」、「CM 1428」、「DW 2888」、「BG 18」同埋「PT 8888」等。今期亦有另類選擇，例如「LY 14」咁重口味，唔知有無人垂青？ 車牌拍賣資料刊於運輸署網頁http://www.td.gov.hk。