空姐「快閃舞」籌款送暖

【明報專訊】唔知大家仲記唔記得之前有航空公司搵空姐跳住舞拍求生短片，今次國泰一班空姐都係跳舞，不過就係為慈善。Emily早排收到一段喺國泰城拍嘅短片，空姐空少拉住篋跳勁舞，仲有聖誕老人助興！


國泰企業傳訊部話，今次呢班「跳舞快閃黨」，係115名空中服務員同機艙服務部同事自發組成，即場向圍觀同事收集到善款，會捐畀「愛心聖誕大行動」，幫助本港有需要人。大家如果睇完片又想幫人，可以去http://osc.scmp.com。


呢排國泰加薪問題鬧到熱烘烘，勞資雙方都嗌到面紅耳赤，不過片中空姐空少都笑容滿面，Emily希望資方同工會可以傾掂數，等佢同準備外遊市民都可以過一個開心聖誕啦！