張達明被追擊

【明報專訊】「愛護香港力量」同「愛港之聲」等挺梁組織近日頻頻發功，去唔同嘅公開場合撐梁振英同鬧爆泛民政黨，噚日連港大法律學者張達明都搞埋。佢哋一行10幾人喺《城市論壇》高呼「支持人大釋法」、「支持一黨專政」，又用好多粗言穢語批評公民黨梁家傑同張達明，指後者係「垃圾學者」、「撻成一塊」，甚至用大聲公追到佢上車。Emily覺得每人都有權發表意見，更加要尊重學者意見，但愛港力今次似乎踐踏埋學術自由，相信CY就算有呢班忠實支持者，都唔會幫佢加分囉。