港人幸福感落後兩岸

【明報專訊】幸福梗係人人都想有，由國際機構蓋洛普（Gallup）公司做嘅調查發現，拉丁美洲國家巴拿馬同巴拉圭係全球幸福感最強嘅國家。香港人嘅幸福感有69%，低過中國大陸（76%）、台灣（75%）等華人社區，但就高過新加坡人，佢哋只有46％嘅受訪者話感到幸福，係排行榜嘅包尾大幡。


巴拿馬巴拉圭「最幸福」

蓋洛普上年喺全球148個國家及地區訪問15萬人，問佢哋有無充分休息、有無受到尊重對待、係唔係時時都笑、有無有趣嘅事、覺唔覺得快樂5條問題。調查話，拉丁美洲人民個性樂觀，令佢哋躋身幸福感最強嘅國家前8名，包括巴拿馬同埋巴拉圭，同係85％受訪者話感到幸福。


德法與非洲國家相近

香港人嘅幸福感除咗低過中國大陸同台灣，亦低過美國（76%）、日本（72%），但就高過韓國（63%）；至於富裕守秩序嘅新加坡，受訪者嘅正面情緒只有46%。其他富裕國家，好似德國、法國，人民嘅幸福感竟然同非洲等國排埋一齊。