你有冇二手相機？

【明報專訊】照片可以留住最開心嘅一刻，不過，對於出生喺貧困家庭嘅小朋友，呢個夢未必好易達到。社區組織協會將喺下個月12號舉行兒童攝影班，但就需要你哋嘅援手，因為佢哋需要你哋500萬像素或以上嘅數碼相機，咁樣到時先可以上堂。你嘅相機將會用嚟教25個9至15歲嘅小朋友攝影，攝影班完成後，相機將會送畀參與嘅佢哋，幫佢哋延續夢想。


社協徵500萬像素以上數碼相機

今年社協請嚟著名攝影師程詩詠教小朋友攝影，攝影班主題係「理想瑝皕Q」。其實社區組織協會已唔係第一次搞攝影班，上次主題係呢班小朋友生活困難情况。社協話，上次參加攝影班嘅小朋友，有唔少性格都好靜，但後來發現佢哋好有天分，希望呢次攝影班可以畀機會其他小朋友，發展佢哋嘅潛能。有興趣嘅朋友，可以打2713 9165同社協聯絡，Emily好期待呢班小朋友透過佢哋嘅攝影眼找到夢想！