好戲量阿Mo拍微電影

【明報專訊】Emily同事前幾日報道，今年奪得十大傑青嘅劇團好戲量主席賴恩慈（阿Mo）喺傑青頒獎禮晚宴，送咗隻講大話個鼻會變長嘅Pinocchio木偶公仔畀梁振英，但CY就唔多領情，呢件事令阿Mo人氣高漲。其實阿Mo近日拍咗幾套微電影，想鼓勵多啲人元旦嗰日上街咁話。


做開舞台劇嘅阿Mo，話籌備排練都要搞幾個月，為求更快諷刺時弊，所以呢排轉去拍微電影。其中一套《迷失廁格》，又叫《思歪廁格》，片長約14分鐘，阿Mo話，係比喻官員人格好似廁格咁愈來愈細。阿Mo又玩gimmick，將新聞網站「主場新聞」改做「作嚇新聞」，開台首集《禁失培育》係以嬉笑怒罵形式回顧今年新聞，仲話收視應該會比亞視《ATV焦點》高