新聞類別
港聞
詳情#
【明報專訊】聖誕節唔少議員出門外遊，而新民主同盟嘅新丁立會議員范國威就留喺香港，因為佢讀書時嘅學長由外國嚟咗香港玩，范國威當然要盡地主之誼帶佢哋周圍去啦，其中一個景點，就係聖誕節當日去立法會新大樓參觀喇。
聖誕節唔少得聖誕樹，范國威前晚就喺屋企享天倫樂，同小朋友一齊整「水果聖誕樹」，佢話喺街都見過有人賣水果做嘅聖誕樹，但就賣成幾百蚊，所以佢決定同屋企人自己整。樹幹用紅蘿蔔做，再以牙籤掛起士多啤梨、青提子、車厘子等，樹頂就用咗星形嘅楊桃。范國威話呢棵自家製聖誕樹都用咗大約120蚊，做完當然同家人一齊食咗佢啦。
（范國威提供）
留言 (0)
