2012政壇大事記

【明報專訊】2012年香港政壇經歷連場選舉，本來政權交替，成王敗寇係平常事。不過，今年政壇打破咗好多金科玉律，例如當選特首嘅梁振英，佢先陷入大宅僭建風波，後來佢嘅班子亦相繼陷入「地產霸權」陷阱，令佢一身蟻。相反，民建聯前副主席劉江華落選立法會超級議席，近來「劉華要贏」，被委任政制及內地事務局副局長。邊個着數，Emily真係唔識講，但看在眼裏，真係覺得好奇妙。


不過，最令Emily驚訝嘅，雖然香港一地都係無殼蝸牛，但原來即使政府高官，都一樣要為房屋問題煩惱。特首選舉期間，唐英年被揭發僭建地下皇宮，本來以為唐唐係私德有虧，但後來梁振英當選後，發現原來梁都有隱瞞僭建；之後，前發展局長麥齊光涉騙房津下台、接任嘅發展局長陳茂波被指涉嫌經營板間房，連號稱「樓王」行會成員林