黃碧雲去旅行唔遊行

【明報專訊】元旦大遊行好快就到，泛民整裝待發，各黨各派都諗緊遊行可以點樣搶到焦點。不過，民主黨黃碧雲一於少理，原來佢早就計劃咗去越南河內跨年旅行。Helena解釋，原來佢一早預訂平價機票陪老公，改唔到日子，佢話自己係「畀機票dictate（支配）咗」！


民主黨員輪流放假

其實，元旦遊行嗰日，Helena唔覺唔覺缺席都未必有人知嘅。所以，Helena咁「開誠布公」，Emily都覺得好有勇氣，但係市民會唔會高抬貴手就真係冇人知。查實民主黨員呢排輪住放假，家輪到黨主席劉慧卿同胡志偉等，咁啱元旦左近就到Helena放，加上之前佢選舉都冇放假，唔怪得知有遊行都要出門。


將缺席財會「剪布動議」討論

Helena話，今次跨年旅行會去到1月4號先返，所以下年立法會首個內會同財委會都要缺席，佢事先請咗假。不過，4號嘅議程要傾民建聯葉國謙喺財會提出嘅「剪布動議」，其他泛民議員真係要醒醒定定。


明年開3辦事處

雖然係咁，但Helena其實都幾勤力，下年年頭就會喺九龍西連開3個辦事處，嚟緊仲會同張文光一齊親授政壇新人訓練班