機構月曆大比併

【明報專訊】新年伊始，Emily喺公司都換上新一年嘅年曆。其實，Emily跟同事都好少要買月曆，因為唔少友好機構都會主動向傳媒機構送月曆，順帶向傳媒工作者問好。


Emily收到十幾個唔同機構嘅月曆，以中國銀行嘅設計最特別（中前），因應農曆蛇年將至，放月曆嘅紙盒係蛇皮紋設計，內裏每個月都有唔同主題嘅蛇型圖案款式，部分更係立體圖案，例如2月春節有金蛇環桃花圖案，寓意「春意盎然」。


不過，家中老人家可能較喜歡國泰航空及強積金管理局嘅傳統「福」字大月曆（後右及左），因為意頭好，揭頁字樣字體又大，就算老花都睇得一清二楚，方便寫字喺月曆上。


至於領匯（右中），雖然好多人批評佢哋做生意嘅手法，但佢哋嘅座枱月曆就好靚，大賣同藝團合作推動嘅藝術創作，仲喺月曆上寫咗「美好的事物，領匯從不吝嗇分享」！