財政懸崖搞掂 陳家強可放心頭石

【明報專訊】美國白宮同國會終於達成「應急協議」，避過「財政懸崖」，財經事務及庫務局長陳家強應該可以鬆一口氣，事關美國搞唔掂財赤，全球經濟都受拖累。陳家強日前已經同Emily講，回顧過去一年，拖拖拉拉嘅歐債危機困擾全球，而美國「剪不斷、理還亂」嘅龐大財赤同財政懸崖都拖累全球經濟復蘇，搞到佢都好憂心。


Emily早前問各司局長新年願望，陳局長都有回覆，佢除咗祝大家生活愉快、萬事如意，離唔開講講佢關注嘅經濟環境。佢日前話縱使外圍環境充滿暗湧，但有信心市民仍會抱住踏實努力工作嘅信念，唔怕考驗。


對港人有信心 唔怕經濟暗湧

陳家強主管財金政策，佢期望香港今年可以進一步推動發展人民幣離岸中心業務，利用香港跟國際制度接軌，成為內地企業「走出去」嘅投資平台。