港報章「新詞」 梁班子居首

【明報專訊】教院噚日公布「2012年LIVAC港台京滬四地中文新詞榜」，分析包括港、台、京、滬主要中文報章詞語，搵咗去年四地報章最常提及嘅新事物。四地總排名首位嘅詞語，係韓國PSY大叔喺《江南Style》MV入面一跳而紅嘅「騎馬舞」，其次係形容NBA華裔球星林書豪嘅「林來瘋」，第三係轟動一時嘅「薄案」（薄熙來案）。台灣形容在職貧窮嘅「青貧族」，同埋噚日暫時解除危機嘅美國「財政懸崖」，亦都榜上有名。


「騎馬舞」四地報章最常見

至於本港呢，應該唔難估喇，形容特首梁振英班底嘅「梁班子」高踞榜首，而佢提出嘅「港人港地」緊隨其後。此外，專劏遊客嘅「海鮮的」（又稱黑的）、終止立法會議員「拉布」拖延戰嘅「剪布」，同埋形容簡潔教科書、示範單位嘅「清水版」，亦成為去年香港報章最常提及嘅新詞。