董耀中寫書講那些年

【明報專訊】喺旅遊界打滾40幾年嘅旅遊業議會總幹事董耀中，打算月底至2月頭出書，書名叫《旅業風雲》，帶市民返去香港旅遊業嘅那些年，講番呢幾十年嘅改變。不過，佢最深刻都係旅議會嘅經歷，但呢啲工作嘅猛料，就要留番下集出版時再爆咁話。


記旅業變遷 猛料留下集

董耀中話，難忘最初喺日本航空公司做訂位部嗰陣，當時仲未有網上訂票，「聽旅客電話，向總公司申請機位，之後要打電報畀機場，機場再逐個check in」。佢仲話，以前巿民喺啟德機場出去旅行，次次都幾十人送機，場面墟冚過家好多。佢仲好懷念航空公司同旅行社嘅伙伴關係，「家旅行社變咗航空公司嘅銷售工具咯」。


懷念啟德送機場面墟冚

董耀中同Emily講，每個月都有4至5個旅客投訴，話無留意去美國、加拿大等國家，passport要有不少於6個月嘅有效期先至可以入境，最終損失慘重。今個星期，旅議會將相關海報派畀旅行社貼喺門口，大家以後唔好大頭蝦啦。