工展小姐出爐

【明報專訊】喺維園舉行、為期24日嘅「第47屆工展會」噚日結束，呢屆工展會總銷售額達7億元，較去年上升一成半，銷售額係歷屆最高。工展會係香港中華廠商聯合會主辦，會長施榮懷話對咁好嘅銷售成績感到高興，佢話，近年到工展會嘅內地遊客持續增加，反映工展會喺內地嘅知名度不斷提升。隨住今屆工展會結束，工展小姐選舉噚日亦舉行頒獎禮，冠、亞、季軍分別為鄭燕虹（中）、張旭（左）同江金鎂（右）。