林健鋒凍到赤赤痛

【明報專訊】唔少議員都趁聖誕節外遊，經民聯副主席林健鋒早前就去咗吉林公幹（圖）。東北三省冬天落大雪，林健鋒話，佢去時係零下30度，所以出街都要著3對襪，仲要靠當地提供嘅大褸先頂得住。佢公幹短短3日，不忘抽時間去睇風景，包括到山頂感受寒冬，晨咁早就上去睇霧，佢話當時天氣太凍，啲霧經過大樹後，就會立即結冰。


林健鋒話去咁凍嘅地方，最難頂係塊面同耳仔都凍到赤痛，而當地積雪更有三四呎厚，行半個鐘已經凍到無晒知覺，因為好似踩喺雪櫃咁喎。