李秀恒女兒畫展

【明報專訊】中華出入口商會副會長李秀恆嘅女兒李楚洳（Samantha）噚日舉行佢嘅「相中畫」作品展覽，行政會議成員兼立法會議員林健鋒（Jeffrey）嘅爸爸、永和實業有限公司主席林亮都有捧場。


林靠撳唔扁鴨仔起家

原來今次展覽都算係林亮同Samantha「合作」，林亮早年靠生產經典黃色膠鴨仔玩具起家，從此建立其玩具王國。Samantha今次就以膠鴨仔為主角，以「相中畫」方式，用維港黑白照做背景，將膠鴨仔畫入黑白照中，令到平時浮喺浴缸嘅膠鴨仔，好似喺維港度暢泳咁，非常有趣。


林亮話早喺1949年，見到日本廠商生產咗一隻鴨仔玩具，但係用料只係化學膠，一撳就扁。當年生產鴨仔嘅日本廠商無申請專利，林亮靈機一觸，決定「借用」鴨仔概念，生產一種撳極都唔會扁嘅黃色膠鴨仔，結果大受歡迎，成為本地生產嘅經典玩具。


林亮話佢同嗰間日本廠商無隔夜仇，仲話家同佢哋仲有聯絡