鍾國斌帶團訪緬甸

【明報專訊】人民幣係咁升，喺內地開廠成本大增，內地嘅港商自然喊晒口。據聞唔少港商已有意撤離，期望到政局逐漸開放嘅緬甸發展。自由黨紡織及製衣界議員鍾國斌（Felix）下周會率領60個業界代表，包括唐英年家族持有嘅半島針織，到緬甸考察兼同當地官員會面，成事嘅話，將有望打造一個2000英畝嘅港商製衣王國。


工資僅內地1/5

Felix話，緬甸好多地方都未開發，工資只係內地嘅五分之一左右，但目前唔算多外資公司，港商計劃落戶當地都算早着先機。佢估算，單係港商嘅總投資額已達10億美元，難怪當地政府非常重視佢哋咁話。