企鵝BB破殼

【明報專訊】今日開始，海洋公園首個節目系列《好戲在後台》會推出第6集《企鵝新天地》，喺網上短片平台《海洋多面睇》、YouTube頻道同埋facebook平台，首度播出企鵝寶寶破殼而出嘅片段，又會介紹公園護理員設計別出心裁嘅工具，幫企鵝日常護理。


企鵝身長腳短，行路時左搖右擺好可愛，但原來佢哋腳板會因為企太耐生水疱㗎，所以足部護理對企鵝好重要。護理員就發明咗底部裝鏡嘅矮台，透過塊鏡可以觀察企鵝足部健康。護理員又會用透明膠板分隔企鵝，咁就可以逐隻量度體重，唔怕佢哋一擁而上。


海洋公園喺企鵝家居設計上花盡心思，展館嘅光線強度會根據南極實際日照情况轉變，令企鵝恍如置身大自然，所以佢哋特別鍾意聯群結隊喺「岸邊」曬太陽。