普選聯改頭換面團結泛民？

【明報專訊】泛民喺上次政改路線有分歧，民主黨同其他黨派到家都仲爭拗緊應否同中央談判。隨着新一輪政改方案要展開，唔少泛民都認為應該團結一致，組成番一個平台，討論政改應何去何從。


泛民兩年前組成「終極普選聯盟」，當時參加嘅主要係民主黨、民協同幾名學者，公民黨同社民連都冇加入。上次以個人身分加入普選聯嘅公民黨湯家驊（Ronny）透露，普選聯將於日內召開大會，傾吓泛民嚟緊就政改應該點樣合作，同埋應否再同中央談判，總之就希望以一個團結嘅平台示人，增加籌碼。


不過，包括公民黨在內嘅唔少泛民成員，過去多次高調批評普選聯同中聯辦談判，又點肯加入聯盟呢？Ronny就建議將普選聯改頭換面，至少換咗個名佢，等大家可以放低包袱，仲話好有信心公民黨今次會埋堆喎。