國家終於諗起凌凌漆

【明報專訊】周星馳嘅電影陪住港人成長，噚日唔少網民得悉星爺獲委任為廣東省政協委員後，除咗O嘴，仲即時諗起佢喺名作《國產凌凌漆》入面，由羅家英飾演嘅聞西（達聞西）向星爺演講嘅一句﹕「國家終於有任務畀你喇。」星爺喺戲中係中央特務「阿漆」，同政協一樣「為國家服務」，阿漆因為被列為不入流嘅特務，所以只能喺街市做一個唏噓嘅豬肉佬，得悉自己有新任務後，就講咗句﹕「咁多年，我以為國家已經忘記咗我喇」，呢句台詞，唔知係咪星爺家嘅心聲？有網民就繼續引用戲中金句，高呼「就算係一條底褲、一張廁紙都有佢嘅作用！」


另外，熱血時報喺網上都用咗阿漆嘅劇照惡搞，仲稱呼周星馳做「同志」